Nachdäm as aui ihri Outoˋs freigschuflet und puzt hei, hezech sˋTeam Uniho de pünktlech am Viertu ab Zwöi im Mittudorf besammlet. Vouzählig simer de ou mitemene zimlech gmüetleche Tempo in Zuchu acho.

Uniho - TV Bözingen

Das Närve zeriessende Spüu het mitemene schlappe Tempo uf Site vom Uniho-Team agfange. Derzue isch no de Schiedsrichter cho, wo nomou meh Närve het brucht. Nach 7 müehsame Minute het de dr Cedu mitemne sprtleche Sololouf  sˋ1-0 chönne erziehle. Dr Gott het üs mitem speedy Captain Simon supper beschänkt, da är üs immer wider agführet und i Arsch tschuttet het asmer chli gas gäh, dasmer wider mit üsem Tempo spiele. Mir hei de ou immer wider sbeschte probiert aber ir Offensive heisi eifach nid ine wöue. Derfür heimer de ider 14 Minute mitere Antwort vode Bözinger müesse rächne zum 1-1. Aber zum Glück heimer sone Böse (Remo) wo die Freischläg inehout wie niemer angers und das nur 1 Minute spöter. Üse erscht Torschütz Cedu het de e 2min becho wäge Abstang. Docher Däredinge hezech do nid lo chli mache sondern, hez so lo usgseh asmer äuä besser nur no Ungerzau spiele, wöu mir hei 2 Töpf gschosse und zwar vom speedy Simu undem Freischlag König Böse. Chum simer wider vouzählig uf däm Bitz bechömemer widermou eine nachemne verschlofene Freischlag.
Ir zwöite Höufti isches nid vüu angerschter witergange. Im Gägetöu dˋAgressione si gstige und de hez dr Nüne haut hurti churzwilig verblose, aber dank sine supper Mitspieler undem Coach Wuzzi hetersech de langsam wider chönne ifo. Dr Match heimer schliesslech de mitemne 6:3 zu üsne Gunschte chönne heibringe, nachdäm üse Strofe Meister Cedu widermou e 2min kassiert het wäge Stosse (schiiiiiens).

Uniho - UHC Cornaux

Im zwöite Spüu heimer zwar wider de glich Schieri gha, jedoch isch dr ganz Spüuverlouf besser gsi. Aber ou do isches nid lang gange bis üse aut bekannt Strofe König Hans e Zwöier becho het wäge Stosse, wome aber im Verglich zum Cedu cha säge as die einigermasse grächtfertigt gsi isch "mi kenntne jo üse Hans." Aber ou dasmou simer stabiu blibe, hei kes gschosse aber ou kes becho. Ir 12min het de dr Simu mitder Hüuf vom Cedu s'1-0 chönne erziele. 6min spöter hei mir usnahmswis mou dörfe i Überzau spiele und wie wez ou angersch si, de Böse het widermou e supper Freischlag zum 2-0 chönne verwandle. Das wärs aber de ou scho gsi ir erschte Höufti.
Ir zwöite Haubzit hez de schochli meh kachelet leider aber ou uf üsere Site. Zersch si aber mir wider am Zug gsi und de Cedu het üs mitemne 3-0 id Füerig brocht und das nach gratmou eire Miunute. Nur es paar Sekunde spöter het de dr Bob mou use dörfe go hocke undsech e Pouse gönne. Dasmou isches aber leider nid so erfröilech usgange und Cornaux het ihres erschte Gou chönne erziele. Mir hei das eso agnoh und hei de derfür ir 7de Minute ou wider eis gschosse und das vo üsem aut igwachsnig Gonzo ufene Pass vo üsem Jüngling Briac. Isch nid lang gange heimer schone Gägeträffer becho und so stömer bimne 4-2. Aber so weimers jo nid beände und isch jo ou nonid ferti. Es fouge no 3 Träffer für üs jedoch aber ouno 1 gäge üs, die si cho vom speedy Simu und vom Wysu ufene wunderschöne pass düre Slot vom Nüne und no dr letscht vom Böse wunderbar Volley ine zouberet nachemne schöne Zuespüu vom Simu. Somit heimer üse Sundi abgschlosse , isch nid dr bescht gsi aber hey, 4Pünkt blibe 4. Eis weimer aber no erwähne: Nachdäm Sundi simer ab itze Tabäue erschti und wärte dä ou nüm här gäh. Mir kämpfe für das und gäh aus.

Es grosses Dankeschön wetti no üsem Catcher am Nici witme, wo üs immer wider rettet und ou usder Scheisse ziet. Dankeschön Nici!

SATUS Derendingen

 

Resultate

Junioren B UHC Selzach 13:8
Junioren B Unihockey Lohn 5:8
TV Orpund Junioren A 7:9
Junioren A UHC Nuglar United 6:5
Tigers Zäziwil II Junioren C 13:6
Junioren D Black Creek Schwarzenbach II 12:6

Nächste Events

So Jan 28 @07:00 - 02:00PM
Herren I - 6. Runde in Brügg
So Jan 28 @12:30 - 06:30PM
Herren II - 6. Runde in Murgenthal
So Feb 11 @10:00 - 05:00PM
Junioren A - 6. Runde in Moutier
So Feb 11 @13:00 - 06:00PM
Junioren B - 7. Runde in Biberist
So Feb 18 @07:00 - 01:00PM
Herren I - 7. Runde in Kappelen
So Feb 18 @08:00 - 02:00PM
Herren II - 7. Runde in Boningen
So Mär 04 @08:00 - 06:00PM
Junioren D - 8. Runde in Derendingen
Sa Mär 10 @08:00 - 06:00PM
Junioren C - 8. Runde in Hasle-Rüegsau
So Mär 11 @07:00 - 01:00PM
Herren II - 8. Runde in Walterswil
So Mär 11 @08:00 - 02:00PM
Junioren B - 8. Runde in Lohn
So Mär 11 @11:00 - 05:00PM
Junioren A - 7. Runde in Derendingen